MangoMango
مرحبا بك زائرنا الكريم ..... نود ان نراك مساهما .... لكي نستفيد بعضنا من بعض

نشكرك لاختيارك منتدانا ....ونود ان ينال رضاك
المواضيع الأخيرة
» صناعة NPK بانفسنا في مزرعتنا
الخميس ديسمبر 29, 2016 10:12 am من طرف زائر

» كراسة الشروط لمشروع 1.5 مليون فدان
الجمعة أكتوبر 28, 2016 9:28 pm من طرف Admin

» شتلات مانجو اجنبي ومحلي وعنب
الأربعاء أبريل 13, 2016 11:44 pm من طرف Admin

» شاهد مزرعة مانجو كيت عمر 3 سنوات
الأربعاء أبريل 13, 2016 11:40 pm من طرف Admin

» ماهو العائد الاقتصادى لفدان المانجو
الإثنين مارس 28, 2016 2:01 am من طرف Admin

» جدول لاوقات زراعة اشجار الفاكهه المختلفة
السبت فبراير 13, 2016 10:59 pm من طرف Admin

» جدول لاوقات زراعة الخضر المختلفة
السبت فبراير 13, 2016 10:54 pm من طرف Admin

» حل في ملوحة التربة والري لاشجار المانجو
الأحد نوفمبر 08, 2015 11:10 pm من طرف Admin

» كيفية فحت بئر مياه - فيديو -
السبت أغسطس 23, 2014 1:22 am من طرف Admin

التبادل الاعلاني
احداث منتدى مجاني

الله يجازيك يا عم عبدالناصر

استعرض الموضوع السابق استعرض الموضوع التالي اذهب الى الأسفل

aws الله يجازيك يا عم عبدالناصر

مُساهمة من طرف سوسو في الأحد فبراير 21, 2010 11:36 pm

اليكم اعزائى القراء هذة القصيدة التى اعجبتنى جدا
لشاعرنا الصعيدى الجميل
عبد الرحمن الابنودى
فاْرجو ان تنال اعجابكم كما نالت اعجابى
وانتظر منكم التعليق عليه


عبدالرحمن الابنودى

الله يجازيك يا عم عبدالناصر



الليل مليّل
والألم عاصر
لسه اللي بيبيع أمته كسبان
وكل يوم
أطلع أنا الخاسر

أما انت خميت مصر دي خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
ارجع حزين
حبيتها زي ما قلت لي.. واكتر
ع الأجنبي ما استكترتش عليا تستكتر
ع الأجنبي ما اتنقورتْش عليا تتنقور.
تطمع في دمعي
وف تعاسة راتبي.
مُلهم أنا.. واعمل غبي
وادي الألم يا عم عبدالناصر
زاحف وبيحاصر
وآدي الجميع خاسر
وآدي فجر أمتنا الجميل مغلوب
وآدي انتحار الأمة بالمقلوب
وأنا... غريب الدار..
لابسني توب العار
ساكن في وطني بالإيجار





قاعد أنا ع الجسر في القيَّالة
من قلب اللهيب مِنشالة
وقلبي.. ساقية حزن سَيالة
باغني..
ما اعرف مغني والاّ عديد
زي افتكار الميتين.. في العيد.
باعاني وحداني
شياطيني لابساني
والأمة قدامي.. مفارقاني
يا رب...
ما تحببني في الناس الملاح تاني
يا رب
ما ترجعني أعشق
ضحكة اخواني
يا رب
كرهني في أوطاني


ما أخيبك أمَّة
ما أتعسك أمة
لا عقل... ولا همة...
لا مصدقه فعلك
ولا تحفظي كلمة.
أمة.. تدور وتلف..
تقيلة.. مش حتخف
حماسية... وحماسها
بكتيرُه ساعة.. يجف.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ...
ما تحل عني يا عم..
إحنا ورثنا كلام
إحنا تاريخنا كلام
علشان كده لما تقول..
علي طول أقول:
وبكام؟؟
ما هو حب؟؟ دبرني
وتاريخ؟.. فكرني
وطريق؟.. نورني
ومصير؟.. بصرني
ده انا بقيت عربي
من قبل ما القي
اللي يمصرني.
أنا انتمائي لأمتي...
ممسخرني.
محسوبة في الأحزان عليّ
في الفرح تنكرني
ياللي انتي لا أمة
ولا انتي أم..
فيه أم
ما تعرفش ساعة الألم..
تضم؟
avatar
سوسو
عضو نشط
عضو نشط

عدد المساهمات : 49
نقاط : 76
تاريخ التسجيل : 27/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى