MangoMango
مرحبا بك زائرنا الكريم ..... نود ان نراك مساهما .... لكي نستفيد بعضنا من بعض

نشكرك لاختيارك منتدانا ....ونود ان ينال رضاك
المواضيع الأخيرة
» قناه مانجو الزراعية على اليوتيوب
الخميس سبتمبر 06, 2018 12:56 am من طرف Admin

» يعني ايه استنبات الشعير
الخميس سبتمبر 06, 2018 12:53 am من طرف Admin

» انشاء حوض مياه لتخزين المياه ولتربية الاسماك
الخميس سبتمبر 06, 2018 12:49 am من طرف Admin

» طريقة فحت جور لزراعة النخيل
الخميس سبتمبر 06, 2018 12:47 am من طرف Admin

» مانجو كيت عمر عامان ملوحة مياه 1300 ج م
الخميس سبتمبر 06, 2018 12:44 am من طرف Admin

» صناعة NPK بانفسنا في مزرعتنا
الخميس ديسمبر 29, 2016 10:12 am من طرف زائر

» كراسة الشروط لمشروع 1.5 مليون فدان
الجمعة أكتوبر 28, 2016 9:28 pm من طرف Admin

» شتلات مانجو اجنبي ومحلي وعنب
الأربعاء أبريل 13, 2016 11:44 pm من طرف Admin

» شاهد مزرعة مانجو كيت عمر 3 سنوات
الأربعاء أبريل 13, 2016 11:40 pm من طرف Admin

التبادل الاعلاني
احداث منتدى مجاني

رسالة من السماء

اذهب الى الأسفل

default رسالة من السماء

مُساهمة من طرف سوبرمان في الخميس نوفمبر 12, 2009 1:03 am

رسالـة من السمـاء

--------------------------------------------------------------------------------

صباح الخير يا عمو ..
أنا مصطفى.. أيوه مصطفى أيمن عفت.. أكيد عارفني.. ده أنا اسمي و«خبري» ملا الجرايد والتلفزيونات
أبعث لك هذه الرسالة من السماء! أيوه من عند ربنا
حبيت أقول لماما وبابا مايزعلوش عليا.. أنا هنا أحسن كتير.. بس يا عمو أنا عايز أحكيلك حكايتي علشان نفسي الولاد والبنات أصحابي في المدرسة والنادي ما يحصلهمش اللي حصل ليا.. وأكيد إنت عندك أولاد.. همه هيفهموني أكتر منك.. بس مهم كل الأطفال اللي في سني يعرفوا إني مش زعلان.. كل الموضوع إني خايف عليهم.. بس
*******
يوم الأربع اللي فات.. تعبت قوي يا عمو.. حسيت إن وداني و"زوري" جواهم نار.. بابا حبيبي جري بيا على الدكتور اللي متعود عليه.. إداني دوا وكان المفروض أبقى كويس.. لكن تاني يوم حرارتي زادت قوى.. بابا حبيبي اتصل بالدكتور فلقى موبايله غير متاح.. فجري بيا على دكتور تاني كتب حقنة «فولتارين»، وطلب من بابا ياخدني لمستشفى حميات العباسية.. بصراحة يا عمو أنا فرحت قوي لما عرفت إني هروح مستشفى الحميات الكبيرة والمتطورة اللي بيتكلموا عنها في الجرايد والتليفزيون.. أنا أصلي كنت تعبان قوي قوي ونفسي في علاج كويس
*******
مش هطول عليك يا عمو.. بابا حبيبي أخدني لحميات العباسية.. هناك استلمني دكاترة شبان شكلهم كده لسه في «الامتياز»، كنت ساعتها فاقد الوعى، ولكن حاسس بكل اللي بيدور حواليا.. دخلوني العناية المركزة، وأخدوا "مسحة" من زوري لتحليلها.. نمت في العناية فترة طويلة ومافيش دكتور كبير أو حتى «نُص نُص» شافني.. بابا حبيبي جاله انهيار لما طلبوا منه يجيب بلازما وصفائح دم من الخارج.. صرخ وقال لهم: هو هنا مفيش دم؟
قالوا ببساطة وهدوء: لأ.. مفيش دم.. اتصرف من برة وهات دم
قال: خدوا دم مني ومن أقاربنا وأصحابنا
قالوا له: مفيش أجهزة لتحليل الفصيلة هنا
بابا حبيبي غاب ورجع وهو "بينهج" بأكياس الدم
أنا كنت بنزف جامد قوي قوي يا عمو
*******
بابا حبيبي مالحقش ياخد نفَسه..
قالوله عايزين أشعة مقطعية.. فقال: اعملوها.. ردوا: مفيش جهاز أشعة هنا
صرخ أبي للمرة الألف وأصر على إخراجي على مسؤوليته لمستشفى دار الحكمة .. وصلت عربية الإسعاف .. وحطوني على جهاز التنفس الصناعى.. وإحنا في الطريق يا عمو عرفت إن خلاص مفيش فايدة.. كان نفسي أتكلم كلمة واحدة.. كان نفسي أقول لبابا حبيبي ماتزعلش إنت وماما وأختى.. بلغ أصحابي إني بحبهم قوي قوى
*******
في دار الحكمة وصلت نتيجة التحليل اللي اتأخر جداً جداً.. قالوا إني عندي «أنفلونزا الخنازير».. طيب إزاي سابوني كل ده من غير علاج.. مش همه اللي بيقولوا إنها بسيطة ويمكن علاجها بسرعة؟!.. قلت لنفسي مفيش فايدة من الكلام.. أنا خلاص بموت
بصراحة يا عمو كنت زعلان قوي قوي من اللي حصل ليا.. قلت ليه بيعملوا كده في طفل عمره تسع سنين؟!.. نمت شوية كتير.. وبعدين لقيت جسمي خفيف!!!! .. خفيف قوي قوى.. وبعدين لقيت نفسي بطير في السما
خلاص .. خلاص مُت يا عمو .. كانت الساعة خمسة ونص فجر السبت اللي فات.. زعلت قوي قوي إني مش هفرح بابا وماما بيا.. عارف يا عمو كنت بحلم إني أطلع طيار زي بابا حسني.. أو مسؤول كبير قوي قوي وليه هيبة زي عمو نظيف.. أو دكتور غني قوي قوي زي عمو حاتم الجبلي.. كنت بلعب سباحة في النادي الأهلى.. وكرة قدم كمان.. كنت هطلع بطل رياضي وأشرّف بلدى.. عارف يا عمو رغم كل اللي حصل ليه أنا لسه بحب مصر قوي ونفسي تفوز بكاس العالم
*******
تاني يوم وأنا فوق في السما تابعت مؤتمر الحزب الوطنى
وسمعت خطب كل قيادات الحزب والوزراء..
كلامهم جميل قوي قوي يا عمو..
دي مصر بقت جنة
بس معقولة يا عمو إن مصر بقت جنة بعد موتي بيوم واحد بس!؟
*******
-مجـدي الجـلاد-
avatar
سوبرمان
عضو مميز جدا
عضو مميز جدا

عدد المساهمات : 302
نقاط : 668
تاريخ التسجيل : 14/09/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: رسالة من السماء

مُساهمة من طرف Admin في الخميس نوفمبر 12, 2009 12:24 pm

[ندعوك للتسجيل في المنتدى أو التعريف بنفسك لمعاينة هذه الصورة] الله يرحمك يامصطفي

ويسترها معا اطفالنا يارب

ويارب( يعينك) ياابن الجمل
قولو اميييييييييييييييييييييييييين

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
avatar
Admin
مدير ممتاز- Admin
مدير ممتاز-  Admin

عدد المساهمات : 710
نقاط : 1579
تاريخ التسجيل : 09/09/2009
العمر : 49
الموقع : http://mangomango.ahlamontada.com/forum.htm

معاينة صفحة البيانات الشخصي للعضو http://mangomango.ahlamontada.com/forum.htm

الرجوع الى أعلى الصفحة اذهب الى الأسفل

default رد: رسالة من السماء

مُساهمة من طرف سوسو في الأحد نوفمبر 15, 2009 12:15 am

موضوع مؤثر جدا وربنا يرحمك يا مصطفي ويصبر اهللك ويجعللك سبب في دخولهم الجنة
avatar
سوسو
عضو نشط
عضو نشط

عدد المساهمات : 49
نقاط : 76
تاريخ التسجيل : 27/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: رسالة من السماء

مُساهمة من طرف جوجو في الإثنين نوفمبر 16, 2009 2:39 pm

ربنا هيرحم مصطفي انشاء الله
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
avatar
جوجو
عضو مميز جدا
عضو مميز جدا

عدد المساهمات : 384
نقاط : 690
تاريخ التسجيل : 23/10/2009
العمر : 21
الموقع : http://thelife.ahlamountada.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى