طلعوا المخلوع انتو ليه حابسينه

من طرف **Admin** الثلاثاء سبتمبر 27, 2011 12:30 am

[وحدهم المديرون لديهم صلاحيات معاينة هذه الصورة]

هذا هو المولف الحقيقي لهذا الشعر
عجبني وقلت لازم تقراوووه

Jimmy Galnashar‎ تاليف

[وحدهم المديرون لديهم صلاحيات معاينة هذا الرابط]

طلعوا المخلوع انتو ليه حابسينه

ظهرت وبانت برائته
قالها الباشا في شهادته
كلنا كنا تاهمينه وظالمينه
محدش اتقتل أو مات
مافيش دليل إثبات
محدش تم تكفينه
ما فيش ضرب نار
مافيش ثورة ولا ثوار
دا كان فرح للشعب
والشرطة كانت مشاركينه
ما فيش رصاصات
مافيش اصابات
ما فيش حد خاطفينه
طلعوا الباشا وأحبابه
عرفنا الحكم وأسبابه
ما فيش حاجه بتدينه
شهود زي العسل
ما شافوش اللي حصل
واجب وحافظينه
مبارك ماأمرش حد
عجين وخابزينه
ما شافوش وما عرفوش
دا سر ودافنينه
دا فلم قديم حمضان
زي فوازير رمضان
والحل الكل عارفينه
طلعوا المخلوع والأنطاع
كفايه شبعنا خداع
يغور الكدب وسنينه
طلعوهم واحبسونا
موتونا وادهسونا
تمنا رخيص بخيس
ويا ريتكم دافعينه
رجعوا المخلوع واخلعونا
علي قفانا واصفعونا
طول عمركم بتخدعونا
مكتوب علينا وشايفينه
متأسفين واقبلوا أسفنا
معلش اتحملوا قرفنا
أسفين لابليس وشياطينه