بحـث
المواضيع الأخيرة
المصري انضرب
2 مشترك
صفحة 1 من اصل 1
المصري انضرب
مليون شهيد
وتاريخ مجيد
من الكفاح المشترك
وخوض غمار المعترك
وف آخر الشوط أخسرك
مين علمك تقتل أخوك
وأمك وأبوك
وإحنا اللى قدمنا الدماء
قبل العرق
خلاص وصلنا لمفترق
وثورتك.. حريتك
دول كان مخاضهم أرضنا
وف حضننا
تيجى انت تهتك عرضنا
تحرق علمنا
اللى كان شاهد على قبر الشهيد
وترهب الطفل الوليد
تنسى تاريخك يا بليد
بقى هو دا الجيل الجديد
ده نسل بن بيلا وبومدين والرجال
اللى لما ضاق الكون عليهم
شدو لبلادنا الرحال
رفعوا علمهم فوق صدورنا
قبل ما يغوص فى الرمال
غمض عيونك جوا قبرك يا جمال
ماتشفش أحفاد النضال
واقفل ودانك
أصل البيان الجاى من صوت العرب
بيقول على المصرى انضرب
بيقول تاريخك كله كان وهم وخطب
نام يا بطل
لا عليك ملامة أو عتب
وانزل يا واد من فوق كتاف القاهرة
أنت فقدت الذاكرة
لا تصلى فى الأزهر
ولا تمشى ف حوارى السيدة
ولا تسمع الكوكب وهى منشدة
ولا تقرا محفوظ النجيب
ولا حتى تسمع عندليب
خليك كده
تحرم عليك
كل العيون والأفئدة
تحرم عليك كل الدماء والأوردة
وبريئة منك ألف مدنة
وكل جبهة ساجدة
وأنا حفضل المصرى
كريم العنصرين
اللى متربى وساكن فى الحسين
اللى علمتك تقول الضاد
وتنطق كلمتين
يابو اللسان الأعجمى
انزل يا واد من فوق كتاف القاهرة
من امتى بتشيل العيال
دى مصر ولادة رجال
سادات.. مبارك
ومعاهم الناصر جمال
واقفين على شط القنال
رافعين علمها
اللى بإيديك اتحرق
رجالة من عزة وشهامة مش ورق
يا حارق الطوق والشراع
مين راح ينجيك من الغرق
سوبرمان- عضو مميز جدا
- عدد المساهمات : 302
نقاط : 668
تاريخ التسجيل : 14/09/2009
رد: المصري انضرب
بارك الله فيك والله قطع قلبي هذا الشعر [وحدهم المديرون لديهم صلاحيات معاينة هذه الصورة]
ارجو منك المزيد والله هذا احلي شعر سمعته في حياتي
ارجو منك المزيد والله هذا احلي شعر سمعته في حياتي
جوجو- عضو مميز جدا
- عدد المساهمات : 384
نقاط : 690
تاريخ التسجيل : 23/10/2009
العمر : 26
الموقع : http://thelife.ahlamountada.com
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد أغسطس 18, 2019 11:10 pm من طرف Admin
» شجرة مانجو معجزة
الأحد أغسطس 18, 2019 11:03 pm من طرف Admin
» كيفيه عمل صيانه لمواسير بئر جوفي
الأحد أغسطس 18, 2019 11:01 pm من طرف Admin
» كيف نصنع NPK فيديو
الأحد أغسطس 18, 2019 10:57 pm من طرف Admin
» قناه مانجو الزراعية على اليوتيوب
الخميس سبتمبر 06, 2018 12:56 am من طرف Admin
» يعني ايه استنبات الشعير
الخميس سبتمبر 06, 2018 12:53 am من طرف Admin
» انشاء حوض مياه لتخزين المياه ولتربية الاسماك
الخميس سبتمبر 06, 2018 12:49 am من طرف Admin
» طريقة فحت جور لزراعة النخيل
الخميس سبتمبر 06, 2018 12:47 am من طرف Admin
» مانجو كيت عمر عامان ملوحة مياه 1300 ج م
الخميس سبتمبر 06, 2018 12:44 am من طرف Admin